Қазақстандық ғалым, Astana IT University-дегі Жасанды интеллект және ғылыми-инновациялық технологиялар орталығының директоры Бейбіт Әбдікеновті «Ерен еңбегі үшін» медалін алуымен құттықтаймыз. Бұл марапат – ғалымның Қазақстандағы ғылымның, жасанды интеллект және нейроғылым технологияларының дамуына қосқан елеулі үлесінің мойындалуы. Бейбіт Әбдікеновтың ғылыми қызметі онкологиялық ауруларды, сондай-ақ ми сигналдарын талдау саласындағы зерттеулерді қоса алғанда, ауруларды болжаудың математикалық модельдерін әзірлеуді қамтиды. Мұндай жетістіктер Қазақстанның күшті математикалық мектепке ие және жасанды интеллект саласындағы әлеуеті зор ел ретіндегі бағытын нығайта түсуімен ерекше маңызды. Ғылым мен қоғамның игілігі жолында тың табыстар, жаңа ғылыми жаңалықтар мен ауқымды жобаларды іске асыра беруді тілейміз!