«MIRAS» бөбекжай-бақшасының тәрбиеленушілері таңғажайып ғарыш әлеміне бойлаудың ерекше мүмкіндігіне ие болды. Ғарыш көкке самғаған қонақ – ғарышкер Тоқтар Әубәкіров өзінің теңдесіз тәжірибесі мен білімін кішкентай зерттеушілермен бөлісуге бөбекжай-бақшаға шақыруды қабыл алды.
Кездесу толқынысты сәт – балдырғандардың ғарышкерді өз көздерімен көріп, салтанатпен қарсы алу рәсімінен басталды. Балалардың көпшілігі үшін бұл нағыз ғарышкермен тұңғыш рет кездесу екендігін олардың бал-бұл жанған қуанышты жүздері мен күлімдеген көздері көрсетіп тұрды.
Сәлемдесу рәсімінен кейін Тоқтар Әубәкіров өзінің ғарышта бастан кешкен таңғажайып оқиғаларымен бөлісті. Ол ұшуға дайындық қалай жүретінін, ғарышкерлерді ғарыштағы салмақсыздық жағдайында қандай сынақтар күтіп тұратыны және ғарыштық экспедициялар барысында қандай ғылыми жаңалықтар ашылатыны туралы әңгімеледі.
Балалар ғарышкердің әр сөзін таңданыспен әрі сүйсіне тыңдады, көптеген сұрақтар қойды және өздерінің келешекте ғарышқа ұшсам деген армандарын да білдірді. Тоқтар Әубәкіров кішкентай зерттеушілерге қолдау білдіріп, оларды келешекте ғылыми зерттеулер жүргізу мен биік мақсаттарға ұмтылуға шабыттандырды.
Ғарышкер Тоқтар Әубәкіровпен кездесу «MIRAS» бөбекжай-бақшасының балалары үшін нағыз мерекеге айналды. Бұл күні олар үшін жаңа көкжиектер ашылғандай білім мен зерттеуге деген ұмтылысқа шабыттандырды. Осындай кездесулер арқылы балалар армандауға, өзіне сенуге және өз күшіне сену арқылы ең мүмкін емес нәрсенің өзіне қол жеткізуге болатынын түсінуге үйренеді.